اسلام آباد(مانیٹرنگ ڈیسک)یہ کتاب جہاد کی ترغیب دیتی ہے عوام اس سے دور رہیں،بڑی تعداد میں شہریوں کی اسلام کی طرف رغبت پر سوئس حکام کی نیندیں اڑ گئیں، سوئٹزر لینـڈ میںقرآن پاک کی تقسیم پر پابندی لگانے کی تیاریاں شروع۔ تفصیلات کے مطابق لبرل یورپی ملک سوئٹزر لینڈ کے حکام قرآن پاک اور اس کی تعلیمات سے خوفزدہ ہو گئے ہیں
اور قرآن پاک کی تقسیم پر پابندی لگانے کی تیاریاں شروع کر دی گئی ہیں۔ اس سلسلے میں قرآن کی تقسیم کی مہم’’ریڈ‘‘کے خلاف سوئس پبلک سیفٹی آفس میدان میں کود پڑا ہے ۔ پبلک سیفٹی آفس نے عوامی مقامات پر قرآن پاک کی تقسیم پر پابندی لگانے کی سفارش کر دی ہے، سوئس پبلک سیفٹی آفس کے مطابق قرآن پاک جہاد کی ترغیب دینے والی کتاب ہے۔ واضح رہے کہ سوئٹزر لینـڈ میں بڑی تعداد میں لوگ اسلام قبول کر رہے ہیں جبکہ قرآن پاک کی تقسیم پر پابندی کا مقصد اسلام کے پھیلائو کو روکنا بتایا جاتا ہے۔ سوئس سکیورٹی حکام نے شہریوں سے اپیل کرتے ہوئے کہا ہے کہ قرآن کے تقسیم کی مہم ’’ریڈ‘‘کیلئے جگہ فراہم نہ کریں جبکہ مہم کا حصہ افراد کو جہادی قرار دیتے ہوئے ان سے دور رہنے کا بھی کہا گیا ہے۔واضح رہے کہ سوئٹزر لینـڈ میں بڑی تعداد میں لوگ اسلام قبول کر رہے ہیں جبکہ قرآن پاک کی تقسیم پر پابندی کا مقصد اسلام کے پھیلائو کو روکنا بتایا جاتا ہے۔ سوئس سکیورٹی حکام نے شہریوں سے اپیل کرتے ہوئے کہا ہے کہ قرآن کے تقسیم کی مہم ’’ریڈ‘‘کیلئے جگہ فراہم نہ کریں جبکہ مہم کا حصہ افراد کو جہادی قرار دیتے ہوئے ان سے دور رہنے کا بھی کہا گیا ہے۔
