نئی دہلی(آئی این پی)پاکستان اور کشمیر کے حوالے سے نرم رویہ اپنانے پربی جے پی طلبہ تنظیم کے غنڈوں نے نئی دہلی کے کالج کی طالبہ کو اجتماعی زیادتی، قتل کی دھمکیاں دینا شروع کردیں۔بھارتی میڈیا کے مطابق کارگل جنگ میں پاکستانی کے ہاتھوں مارے جانے والے بھارتی فوج کے کیپٹن مندیپ سنگھ کی بیٹی گورومہر کور نئی دہلی کے رام جس کالج میں پڑھتی ہے اس نے کچھ عرصہ قبل یو ٹیوب پر ویڈیو جاری کی جس میں اس نے ہاتھ میں کارڈریورڈ پکڑا تھا جس پر لکھا تھا کہ میرے والد کو پاکستان نے نہیں جنگ نے مارا
اس لڑکی کے کالج میں گزشتہ روز جواہر لعل یونیورسٹی کے طالب علم رہنما عمر خالد شیبا اور دیگر نے بھارتی ریاستوں میں شورش کے حوالے سے سیمینار میں شرکت کیلئے آنا تھا بس پھر کیا تھا مودی سرکار کے اشارے پر درجنوں غنڈوں نےکئی اساتذہ اور طلبہ و طالبات کو بری طرح مارا اے بی وی پی کی اس غنڈہ گردی کے خلاف گورو مہر کور نے سوشل میڈیا پر اپنی تصویر کے ساتھ مذمتی مہم چلائی جس پر ہندو غنڈوں کو مرچیں لگ گئیں اور وہ اپنےفوجی افسر کی بیٹی کو قتل اور اجتماعی زیادتی کا نشانہ بنانے کی دھمکیاں دے رہے ہیں۔
