جدہ (نیوزڈیسک )سعودی عرب نے تارکین وطن کو بڑی خوشخبری سنادی،پرائیویٹ سیکٹر کی واجب الادا رقم ادا کرنے کا فیصلہ ،عرب نیوز کے مطابق سعودی حکومت نے مالی بحران کے خاتمے کے بعد اب پرائیویٹ سیکٹر کے واجب الادا پیسے 2ماہ کے اندر ادا کرنے کا فیصلہ کیا ہے۔مالی سال 2014ء کے وسط میں تیل کی قیمتوں میں کمی کے بعد حکومت نے بہت سے بڑے منصوبے بند اور بعض نجی کمپنیوں کی ادائیگیاں روک رکھی تھیں تاہم اب مالی بحران ختم ہونے کے بعد حکومت نے واجب الادا پیسے واپس کرنے پر کام شروع کر دیا ہے۔

سعودی وزیر خزانہ محمد الجدان کا کہنا ہے کہ پرائیویٹ کمپنیوں کو رقم کی ادائیگی دو ماہ میں مکمل کر لی جائے گی جبکہ پچھلے 2ماہ کے دوران حکومت نے پرائیویٹ سیکٹر خصوصاْْ تعمیراتی شعبے کی بحالی اربوں روپے خرچ کیے ہیں۔انکا مزید کہنا تھا کہ حکومت نے چند ماہ قبل پرائیویٹ شعبے کو واجب رقم ادا کرنے کا وعدہ کیا تھا اور اسے پورا کر دیا گیا ہے تاہم جن کمپنیوں نے اپنے پیسے لینے کے حوالے سے درخواستیں جمع کرائی ہیں انکا جائزہ لیا جا رہا ہے اور اگلے دو ماہ میں ایک ایک پائی ادا کر دی جائے گی۔