اسلام آباد (مانیٹرنگ ڈیسک)اسرائیلی وزیر اعظم نتن یاہو کو اس وقت خفت کا سامنا کرنا پڑا جب ہالینڈ کے ایک ایم پی نے ان سے ہاتھ ملانے سے انکار کر دیا۔ہالینڈ کے دورے پر موجود اسرائیلی وزیر اعظم جب پارلیمنٹ پہنچے تو ایم پیز ان سے مصافحہ کرنے کے لیے قطاروں میں کھڑے تھے۔ ان میں سے ایک تونہان کوزو نے اسرائیلی وزیر اعظم کو سر کے اشارے سے خوش آمدید کہا اور مصافحہ کرنے سے انکار کر دیا۔ اس موقع پر مذکورہ ایم پی نے فلسطین کا پرچم بھی سینے پر سجایا ہوا تھا۔ اس واقعے کے بعد سوشل میڈیا پر تونہان کوزو کا کہنا تھا کہ نتن یاہو کے لیے سرخ قالین بچھانے والے فلسطینیوں کا خون بھول چکے ہیں۔

موضوعات:اسرائیل فلسطین