واشنگٹن (مانیٹرنگ ڈیسک) امریکا میں صدارتی انتخابات کے لئے ریپبلکن پارٹی کے امیدوار ڈونالڈ ٹرمپ نے ایک بیان میں کہا کہ اگر وہ 8نومبر کو ہونے والے انتخابات میں کامیاب ہوتے ہیں توداعش کے دہشت گردوں کے خلاف نیٹو فوج کا استعمال کریں گے۔ں ٹرمپ نے امریکہ کی طرف سے نیٹو کو دیئے جانے والے فنڈ کا معاملہ اٹھاتے ہوئے کہا کہ موجودہ وقت کے خطرات کے پیش نظر اب وقت آ گیا ہے کہ اس فنڈ کے بارے میں دوبارہ غور کیا جائے۔ٹرمپ نے کہا کہ نیٹوکے علاوہ دیگر پڑوسی ممالک کی فوجوں کو بھی ساتھ داعش کے خلاف کارروائی کرنی چاہئے۔