ماسکو(مانیٹرنگ ڈیسک)روسی صدر ولادی میرپیوٹین نے سرحد کے قریب مغربی دفاعی اتحاد نیٹو کے جارحانہ طرز عمل پر شدید غصے کا اظہارکرتے ہوئے دھمکی دی ہے کہ روس کسی ممکنہ کارروائی کے لیے خود کو بھرپور انداز میں تیار کرے گا۔میڈیارپورٹس کے مطابق ایک بیان میں پیوٹین نے اپنے بیان میں کہاکہ روس کسی ممکنہ کارروائی کے لیے خود کو بھرپور انداز میں تیار کرے گا۔انہوں نے کہا کہ ایسا لگتا ہے کہ مغربی ممالک سلامتی کا مشترکہ نظام قائم کرنے پر تیار نہیں ہیں۔ نیٹو کی جانب سے مشرقی یورپ کے رکن ممالک میں فوجوں کی موجودگی کو بڑھایا جا رہا ہے۔انہوں نے کہاکہ روس نے ہر موقع پر مسائل کو بات چیت کے ذریعے حل کرنے پر زور دیا ہے۔