صوفیا(آئی این پی )فرانس اور ہالینڈ کے بعد بلغاریہ میں بھی نقاب پہننے پر پابندی لگائے جانے کا امکان ہے۔غیر ملکی میڈیا کے مطابق یورپ کی بالٹک ریاست بلغاریہ کی پارلیمنٹ میں عوامی مقامات پر نقاب پہننے کی پابندی لگانے کا بل پیش کردیا گیا ہے۔پارلیمنٹ میں بل کی مخالفت نہ ہونے کے برابر ہے، جس کی وجہ سے بل منظور ہونے کے امکانات واضح ہیں۔ فرانس، لیٹویا اور ہالینڈ میں عوامی مقامات پر نقاب پہننے پر پابندی لگائی جا چکی ہے، 72لاکھ سے زائد آبادی والی بالٹک ریاست بلغاریہ میں مسلمانوں کی آبادی 12 فیصد ہے۔