کابل(آئی این پی)افغانستان نے الزام عائد کیا ہے کہ طالبان کوئٹہ شوریٰ کو ہلمند منتقل کرنے کی کوشش کررہے ہیں۔جمعرات کو افغان میڈیا کے مطابق وزارت دفاع کے ترجمان دولت وزیری کا کہنا ہے کہ افغانستان کے دشمن (طالبان) کی کوششوں کو افغان نیشنل ڈیفنس اور سیکورٹی فورسز نے ناکام بنایا ہے ۔ترجمان کا کہنا ہے کہ طالبان کوئٹہ شوریٰ کو ہلمند منتقل کرنے کی کوشش کررہے ہیں۔واضح رہے کہ اپریل میں افغان صدر ڈاکٹر اشرف غنی نے پاکستان سے مطالبہ کیا تھاکہ وہ کوئٹہ اورپشاور میں طالبان کی قیادت کو نشانہ بنائے ۔