پیرس(این این آئی)فرانس کی قومی ایئر لائن کے پائلٹوں نے مطالبات کے حق میں چار روزہ ہڑتال شروع کر دی ہے جس کی وجہ سے فٹبال کے ہزاروں پرستاروں کے یورو کپ کے دوسرے روز منصوبے متاثر ہو سکتے ہیں تاہم ایئر فرانس کا کہناتھا کہ وہ یورو کپ کے میچوں کی میزبانی کرنے والے شہروں میں پروازوں کو ترجیح دیں گے۔غیرملکی خبررساں ادارے کے مطابق ایئر فرانس نے اپنی کم سے کم 30 فیصد پروازوں کو منسوخ کر دیا۔فرانس کے پائلٹوں کی یونین چاہتی ہے کہ حکومت نئے لیبر قوانین کو ختم کرے جس سے اسے لوگوں کو نوکری دینے اور برخاست کرنے میں آسانی ہو۔فرانس کے پائلٹوں کی یونین کا کہنا تھا کہ ان کی ہڑتال منگل تک جاری رہے گی تاہم کمپنی کے چیف اگزیکٹیو فریڈرک نے وعدہ کیا کہ وہ کوشش کریں گے کہ میچوں کی میزبانی کرنے والے شہروں میں فضائی سروس کم سے کم متاثر ہو۔