بغداد(مانیٹرنگ)داعش نے عراق کے شہر اشوریہ کے ایک قدیم معبد کو تباہ کرنے کی ویڈیو جاری کر دی۔فرانسیسی خبر رساں ادارے کے مطابق اس ویڈیو میں دکھایا گیا ہے کہ کس طرح داعش نے تین ہزار سال پرانی اس عبادت گاہ کو بارودی مواد سے اڑایا۔ اقوام متحدہ نے شمالی عراق میں نابو کی عبادت گاہ کے کچھ حصوں کو پہنچنے والے نقصان کی تصدیق کر دی ہے۔ نابو کو کتابت اور علم و دانائی کا دیوتا کہا جاتا تھا۔ اشوریہ موصل کے قریب واقع ہے اور آئی ایس نے جون 2014ء میں اس علاقے پر قبضہ کیا تھا۔ آئی ایس کی ویڈیو میں تاہم تاریخ واضح نہیں ہے۔