ویانا (این این آئی) امریکی وزیر خارجہ جان کیری نیوکلیئر سپلائر گروپ میں بھارتی شمولیت کیلئے سرگرم ہو گئے ہیں اور رکن ممالک کو اس سے متعلق خط بھی لکھ دیا ہے ۔نجی ٹی وی کے مطابق نیوکلیئر سپلائر گروپ میں بھارتی شمولیت کا چین سب سے بڑا مخالف ہے اور دیگر رکن ممالک کا بھی یہ موقف ہے کہ بھارت کی شمولیت اینٹی عدم پھیلاؤکے حامی ممالک کیلئے سخت دھچکا ہو گا۔ ذرائع کے مطابق نیوکلیئر سپلائر گروپ میں بھارت کی شمولیت کا چین سب سے بڑا مخالف ہے اور نیوزی لینڈ، آئرلینڈ، ترکی، جنوبی افریقہ اور آسٹریا بھی بھارت کی شمولیت کے خلاف ہیں جبکہ امریکہ اور دوسرے ممالک کی جانب سے بھارت کی شمولیت کی حمایت کی جا رہی ہے۔رپورٹ کے مطابق امریکی وزیر خارجہ بھارت کی شمولیت کیلئے میدان میں آ گئے ہیں اور رکن ممالک کو ایک خط بھی لکھ دیا ہے جس میں بھارتی شمولیت کو بلاک نہ کرنے کی سفارش کی گئی ہے۔ واضح رہے کہ این ایس جی کا پلینری اجلاس 20 جون کو جنوبی کوریا میں ہو گا۔