اوٹاوا(آئی این پی)کینیڈا کے وزیراعظم جسٹن ٹروڈو نے کابینہ کے مسلمان ارکان کے ساتھ افطاری میں حصہ لیا ،اس موقع پر وہ نہایت خوشگوار موڈ میں نظر آئے۔غیر ملکی میڈیا کے مطابق کینیڈین وزیراعظم جسٹن ٹروڈو نے سماجی میڈیا پر ویڈیو شئیر کی ہے جس میں وہ اپنی سیاسی جماعت کے مسلمان ارکان کے ساتھ روزہ افطار کرنے کی تقریب میں شریک ہیں ۔ کینیڈین وزیراعظم نے کجھور کھائی اور دیگر کھانوں کا بھی لطف اٹھایا ۔ ان کا کہنا تھا کہ مسلمان ارکان کے ساتھ افطاری میں شرکت کر کے انہیں خوشی ہوئی ہے ۔ انہوں نے مسلمانوں کو اس مقدس مہینے کی مبارکباد بھی دی۔جسٹن ٹروڈو نے مسلمانوں کو سلام کیا اور کہا کہ یہ مہینہ رحمت اور ایک دوسرے کی مدد کا مہینہ ہے۔کینیڈین وزیرِاعظم نے اس سے پہلے کینیڈا کی ایک مسجد کا دورہ بھی کیا تھاجہاں سادہ قمیص شلوار پہنے ٹروڈو نے مسلمانوں کے ساتھ مل کر بریانی بھی کھائی تھی۔