الریاض* متنازعہ ٹیکسی سروس اْوبر کے بارے میں سعودی عرب کے اعلان نے ہلچل مچادی،سعودی عرب نے متنازعہ ٹیکسی سروس اْوبر میں 3.5 ارب ڈالر کی بھاری سرمایہ کاری کا اعلان کیا ہے۔ میڈیارپورٹس کے مطابق اس طرح اس ٹیکسی سروس کمپنی کی قدر و قیمت بڑھ کر 62.5 ارب ڈالر تک پہنچ گئی ہے۔ بتایا گیا ہے کہ یہ کمپنی سعودی عرب کے ساتھ اس ڈیل کے ذریعے مشرقِ وْسطیٰ اور شمالی افریقہ میں اپنی پوزیشن مزید مستحکم بنانا چاہتی ہے۔ سعودی عرب کے لیے یہ اقدام اْس کے ’ویژن 2030ء ‘ نامی اْس طویل المدتی منصوبے کا نقطہ آغاز ہے، جس کے تحت یہ ملک معدنی تیل کے کاروبار پر اپنا انحصار کم سے کم کرنا چاہتا ہے۔