ہفتہ‬‮ ، 28 مارچ‬‮ 2026 

چین اور بنگلہ دیشی افواج نے بڑا فیصلہ کرلیا،بھارت میں ہلچل

datetime 29  مئی‬‮  2016 |

ڈھاکہ(آئی این پی)چین اور بنگلہ دیش نے اتوار کو یہاں دونوں ممالک کی فوجوں کے درمیان تعاون اور تبادلے کو مزید فروغ دینے کا عزم کیا ۔یہ عزم چین کے وزیردفاع چنگ وانگ چوان کی بنگلہ کی بری فوج کے سربراہ جنرل ابو بلال محمد شفیع الحق، بحریہ کے سربراہ ایڈمرل محمد نظام الدین احمد اور فضائیہ کے سربراہ ایئر چیف مارشل ابواسرار کے ساتھ ملاقاتوں کے بعد کیا گیا ۔بنگلہ دیش کے دورے پر آئے ہوئے چین کے وزیردفاع نے کہا کہ 1975میں دونوں ممالک کے سفارتی تعلقات قائم کرنے کے بعد دونوں ممالک کے درمیان سیاسیات، معیشت وتجارت اور ثقافت میں تعاون میں زبردست کامیاں حاصل کی گئی ہیں ۔ دونوں ممالک کے رہنماؤں کی طرف سے کاشت کئے گئے اور پروان چڑھائے گئے ۔ فوجی مراسم نے تمام شعبوں میں تعلقات کو مستحکم کرنے کے تعاون کے ساتھ اچھی رفتار برقرار رکھی ہے۔ چینی فوج چین کے صدر ژی جن پنگ اور بنگلہ دیش کی وزیراعظم شیخ حسینہ کے درمیان طے پانے والے اہم اتفاق رائے پر خلوص دل کے ساتھ عمل کرنے ،دفاعی تبادلوں اور باہمی حمایت کو فروغ دینے ،آلات کی ٹیکنالوجی میں تعاون اور تربیت کو فروغ دینے ،دونوں ممالک کے نوجوان فوجی افسران کے درمیان تبادلوں کو فروغ دینے اور دوطرفہ تعلقات کے جامع فروغ کو آگے بڑھانے کے لئے بنگلہ دیش کی فوج کے ساتھ مل کر کام کرنے پر تیار ہے ۔ چین کو قابل اعتماداہم ساتھی قرار دیتے ہوئے بنگلہ دیشی فوج کے رہنماؤں نے کہاکہ دونوں ممالک کے درمیان اعلیٰ سطح کا سیاسی باہمی اعتماد قائم ہوا ہے اور مفید اقتصادی و تجارتی تعاون کیا ہے ۔ بنگلہ دیش کی طرف سے چین کی طرف سے پیش کی جانے والی طویل المیعاد مدد کو سراہا گیا اور اپنے اہم قومی مفادات کے تحفظ میں چین کی ٹھوس حمایت کا اظہار کیا گیا۔بنگلہ دیشی فوجی مختلف سطحوں پر دوروں کے تبادلوں کو مستحکم بنانے اور فوجی افراد کی تربیت ،قیام امن ،فوجی میڈیکل کیئر اور فوجی سازوسامان کے شعبوں میں تعاون کو فروغ دینے کے لئے چین کے ساتھ مشترکہ کوششیں کرنے پر تیار ہے تا کہ ان کے فوجی تعلقات کو مزید فروغ دیا جا سکے ۔ چینی وزیر بنگلہ دیش کے دورے پر ہفتہ کو یہاں پہنچے ۔ملاقاتوں سے قبل چانگ نے ڈھاکہ میں نامعلوم کے قبر پر پھولوں کی چادر چڑھائی۔ بھارتی نجی ٹی وی چینل کے مطابق بھارت چین اور بنگلہ دیش کے درمیان ہونے والے معاہدوں پر کڑی نظر رکھے ہوئے ہے اور اس سلسلے میں تمام اہم اقدامات اٹھائے جائیں گے۔

آج کی سب سے زیادہ پڑھی جانے والی خبریں


کالم



ہیکل سلیمانی


اللہ تعالیٰ کا حضرت دائود ؑ پر خصوصی کرم تھا‘…

مذہب کی جنگ(آخری حصہ)

اسرائیل میں میرا ایک دوست رہتا ہے‘ عمویل مطات‘…

مذہب کی جنگ(پانچواں حصہ)

برطانیہ نے دوسری جنگ عظیم کے بعد دنیا میں دو خطے…

مذہب کی جنگ(چوتھا حصہ)

یہودیوں اور مسلمانوں کے درمیان اختلاف واقعہ…

مذہب کی جنگ(تیسرا حصہ)

بخت نصر نے 586 قبل مسیح میں یروشلم پر حملہ کر کے…

مذہب کی جنگ(دوسرا حصہ)

بنی اسرائیل نے فلسطین واپسی کے بعد یہودا قبیلے…

مذہب کی جنگ

رچرڈ نکسن امریکا کے 37ویں صدر تھے‘ یہ بھی ڈونلڈ…

اینڈ آف مسلم ورلڈ

ہمیں ایران امریکا جنگ کے نتیجے کو سمجھنے کے لیے…

عربوں کا کیا قصورہے؟

ایف 35 دنیا کا مضبوط اور مہلک ترین فائٹر جیٹ ہے‘…

اختتام کا آغاز

’’ہمارے پاس صرف 35 سال ہیں‘ ہم ان میں جتنا جی…

امانت خان شیرازی

بادشاہ اس وقت برہان پور میں تھا‘ مغل دور میں…