ڈبلن(آئی این پی)آئرلینڈ میں ایک تقریب کے دوران کینیڈین سفیر احتجاج کرنے والے شخص سے جھگڑ پڑ ے اور اسے تقریب سے کھینچتے ہوئے باہر لے گئے۔غیر ملکی میڈیا کے مطابق برطانوی فوجیوں کے اعزاز میں ہونے والی تقریب میں مختلف ملکوں کے سفیر بھی موجود تھے ، کہ تقریب کے دوران ایک شخص نے مہمانوں کیلئے مختص کی گئی سیٹوں پر احتجاج کرتے ہوئے بلند آواز میں نعرے لگانے شروع کردیئے جو وہاں موجود کینیڈین سفیر کیون وکرز سے برداشت نہ ہوئے۔کیون وکرز مظاہرہ کرنے والے شخص کو دھکیلتے ہوئے تقریب سے باہر لے گئے جہاں پولیس نے مظاہرہ کرنے والے شخص کو حراست میں لے لیا۔