اوسلو (این این آئی) دو مسافروں کی جانب سے لفظ بم استعمال کر نے پرناروے میں مانچسٹر جانے والی پرواز کو ٹیک آف سے پہلے خالی کرالیاگیا برطانوی میڈیا کے مطابق پولیس نے بتایاکہ اوسلو کے قریب واقع ریگی ایئر پورٹ سے ریان ایئر کی پرواز اڑنے کیلئے تیار ہی تھی کہ اسے خالی کرا لیا گیا۔ریان ایئر کے مطابق سکیورٹی الرٹ کی وجہ سے جہاز کو خالی کرایا گیا پولیس کا کہنا ہے کہ دو مسافروں کو حراست میں لیا گیا ہے اور کوئی مشکوک چیز برآمد نہیں ہوئی مقامی میڈیا نے پولیس کے حوالے سے بتایا کہ حراست میں لینے والے مسافروں میں سے ایک برطانوی اور ایک سری لنکن شہری ہے۔ دونوں کو کسی بات پر بلند آواز میں بحث کر رہے تھے جس میں لفظ بم کو سنا گیا۔