لندن(این این آئی) برطانوی اخبارنے بتایا ہے کہ حال ہی میں ہونے والے ایک تازہ ترین سروے کے مطابق برطانیہ کے 42فیصدشہری اپنے ملک کے یورپی یونین میں شامل رہنے کی حمایت کرتے ہیں جب کہ 40فیصدکا خیال ہے کہ برطانیہ کو یورپی یونین سے نکل جانا چاہیے۔یہ سروے ایک خودمختار ادارے یوگوو کی جانب سے کرایا گیا تھا۔اخبار کے مطابق 13% برطانوی یہ نہیں جانتے کہ آیا وہ 23 جون کو ہونے والے عوامی ریفرنڈم میں دست بردار ہونے کی حمایت کریں گے یا نہیں جب کہ چھ فی صد نے ابھی تک حتمی فیصلہ نہیں کیا ہے۔