ریسائینس (نیوزڈیسک)امریکی صدارتی امیدوار ڈونلڈ ٹرمپ نے کہا ہے کہ نیٹو سویت یونین کے خلاف بنایا گیا تھا، اب فوجی اتحاد کو ختم ہونا چاہیے ¾امریکہ کے ہوتے ہوئے سعودی عرب کو کوئی نقصان نہیں پہنچا سکتا۔امریکی شہر ریسائینس میں ریلی سے خطاب کرتے ہوئے رپبلکن صدارتی امیدوار ڈونلڈ ٹرمپ نے کہا ہے کہ نیٹو امریکی عوام پر بوجھ ہے اسے ختم ہونا چاہیے۔انہوں نے کہا کہ نیٹو کو سوویت یونین کے خلاف بنایا گیاتھا جس کااب وجود نہیں رہا۔ اب اس کے ٹوٹ جانے سے امریکی عوام کا کچھ نہیں جائے گا ¾ نیٹوممالک یاتوامریکہ کواخراجات اداکریں ورنہ جان چھوڑیں۔صدارتی امیدوار نے کہا کہ ہم نیٹوممالک کوفوجی تحفظ دی رہے ہیں اوروہ امریکہ کی جیب خالی کررہے ہیں ڈونلڈ ٹرمپ نے امریکہ اور سعودی عرب کے تعلقات پر شدید تنقید کرتے ہوئے کہا کہ امریکہ سعودی عرب کو تحفظ فراہم کرتا ہے۔ اور اس کے جواب میں سعودیہ مناسب قیمت ادا نہیں کررہا۔ انہوں نے کہا کہ سعودی عرب سے تعلقات میں ہم خسارے میں ہیں۔