واشنگٹن(نیوزڈیسک)نہ افسوس نہ تعزیت نہ ہی مذمت ۔لاہو ردھماکہ،امریکی صدارتی امیدوارانتہاءپسند ٹرمپ نے پاکستانیوں کے زخموں پر مزید نمک چھڑک دیا، امریکی صدارت کی دوڑ میں شامل ری پبلکن امیدوار ڈونلڈ ٹرمپ نے لاہور کے گلشن اقبال پارک میں ہونے والے خودکش حملے کے حوالے سے معنی خیز اندازمیںکہا ہے کہ صرف وہ ہی اسے حل کرسکتے ہیں۔میڈیارپورٹس کے مطابق ڈونلڈ ٹرمپ نے اپنے ٹوئٹر پیغام میں مسیحی خواتین اور بچوں کو نشانہ بنانے والے ایک اور بنیاد پرست حملے کا تذکرہ کرتے ہوئے لکھا کہ صرف وہ ہی یہ مسئلہ حل کرسکتے ہیں، تاہم انھوں نے مسئلے کی وضاحت نہیں کی،انہوں نے مزید کہا کہ لوگ سمجھتے ہیں کہ صرف ’شدت پسند‘ امریکا سے نفرت کرتے ہیں، لیکن زیادہ تر لوگ حقیقت سے آگاہ نہیں ہیں کہ عالمِ اسلام کی اکثریت امریکا سے سخت نفرت کرتی ہے۔