بغداد (نیوزڈیسک) عراق میں شدت پسند تنظیم داعش کے خلاف برسر پیکار کرد خواتین کا ماننا ہے کہ میدان جنگ میں بغیر میک اپ کئے نہیں جائیں گی۔ سچ کہا گیا ہے کہ وجود زن سے ہے کائنات میں رنگ ، اس کی عملی تفسیر ہیں عراق میں داعش کے خلاف جنگ لڑنے والی کرد جنگجو خواتین ہیں جن کا کہنا ہے کہ موت کے وقت حسین نظر آنا بے حد ضروری ہے۔بننا سنورنا صنفِ نازک کا حق ہے، پھر بات گھر کی ہو یا میدان جنگ کی ، عراق میں شدت پسند تنظیم داعش کے خلاف برسر پیکار کرد خواتین کا ماننا ہے کہ میدان جنگ میں بغیر میک اپ کئے نہیں جائیں گی کیونکہ موت آنے کی صورت میں حسین نظر آنا بے حد ضروری ہے۔یہی وجہ ہے کہ ہاتھوں میں AK۔47 تھامنے سے قبل یہ سپاہی حسینائیں سجنا سنوارنا نہیں بھولتیں۔