بماکو (نیوز ڈیسک )مالی کے دارالحکومت بماکو کے ہوٹل میں مسلح افراد نے حملہ کردیا، گارڈ کی فائرنگ سے ایک حملہ آور مارا گیا دیگر فرار ہونے میں کامیاب ہوگئے۔غیر ملکی میڈیا کے مطابق مالی کے دارالحکومت بماکو میں ایک ہوٹل پر نامعلوم مسلح افراد نے فائرنگ کرتے ہوئے ہوٹل کے اندر گھسنے کی کوشش کی۔ہوٹل کے داخلی راستے پر موجود گارڈنے جوابی فائرنگ کی ، جس میں ایک حملہ آور مارا گیا ، جس کے بعد دیگر حملہ آورفائرنگ کرتے ہوئے فرار ہوگئے۔ ہوٹل کو کچھ عرصے قبل یورپی یونین ملٹری ٹریننگ سینٹر میں تبدیل کیاگیاتھا۔