نیویارک(نیوز ڈیسک)اقوام متحدہ میں پہلی بار 23مارچ کو یوم پاکستان منایا جائے گا۔تفصیلات کے مطابق23 مارچ کو یوم پاکستان پر اقوام متحدہ میں صوفی شام کا اہتمام کیا گیا ہے، جس میں مشہور معروف پاکستانی گلوکار راحت فتح علی خان پرفارم کریں گے۔اقوام متحدہ میں پاکستان کی مستقل مندوب ملیحہ لودھی کا کہناہے کہ تقریب سے 193 ممالک ہماری ثقافت ،اقدار اور روایات سے روشناس ہوں گے۔ان کا مزید کہناتھاکہ صوفی شام کے ٹکٹس کی ڈیمانڈ بہت زیادہ ہے،پروگرام کا بنیادی مقصد پبلک ڈپلومیسی کو بہتر بنانا ہے۔