مہاراشٹر(نیوزڈیسک)آل انڈیا مجلس اتحاد المسلمین کے صدر اسدالدین اویسی نے بھارتی شدت پسند تنظیم ”آر ایس ایس“ کی جانب سے اسکولوں میں بھارت ماتا کی جے کا نعرہ لگانے کی شدید مخالفت کرتے ہوئے کہا ہے کہ اگر کوئی میرے گلے پر بھی چھری رکھ کر یہ نعرہ لگوائے تو نہیں لگاو¿ں گا۔بھارت پارلیمنٹ میں مسلم رکن پارلیمنٹ اور آل انڈیا مجلس اتحاد المسلمین کے صدر اسد الدین اویسی نے مہاراشڑا میں ایک جلسہ عام میں آر ایس ایس کے سربراہ موہن بھگوت کو مخاطب کرتے ہوئے کہا کہ بھارتی مسلمانوں کو بھارت ماتا کی جے کا نعرہ لگانے پر مجبور نہیں کیا جاسکتا اور وہ برملا اس بات کا اعلان کرتے ہیں کہ وہ یہ نعرہ نہیں لگائیں گے اس کے لیے آر ایس ایس کو جو کرنا ہے کرلے۔ اویسی کا کہنا تھا کہ اگر کوئی میرے گلے پر چھری رکھ کر بھی کہے کہ یہ نعرہ لگاو¿ تو وہ یہ نعرہ نہیں لگائیں گے جب کہ وہ عشرت جہاں کے خاندان کی بھرپور حمایت کرتے رہیں گے۔واضح رہے کہ رواں ماہ کی 3 تاریخ کو شدت پسند دہشت گرد بھارتی تنظیم آر ایس ایس کے سربراہ نے بیان دیا تھا کہ اب وقت آگیا ہے کہ نئی نسل کو بھارت کی جے ماتا کا نعرہ سکھایا جائے۔