نئی دہلی(نیوزڈیسک)چین کی پیپلزلبریشن آرمی گزشتہ ہفتے بھارت کی مشرقی سرحد پر پینگونگ جھیل کے قدرتی علاقے میں چھ کلومیٹر تک بھارتی سرحد کے اندر گھس گئی جس کے بعدبھارتی اہلکاربھی جلد ہی حرکت میں آئے اور انڈوتبتان بارڈرپولیس کے اہلکاروں نے مزاحمت کی اورکئی گھنٹوں تک محاذآرائی جاری رہی جس کے بعد صورتحال سنبھل گئی۔بھارتی ٹی وی کے مطابق سیکیورٹی ذرائع نے بتایاکہ یہ واقعہ چند روسزقبل پیش آیا جب ایک کرنل کی قیادت میں پیپلزلبریشن آرمی کے 11اہلکار وں نے سرجیپ کے علاقے میں سرحدعبور کی ۔چار گاڑیوں پر سوار چینی اہلکاربھارت کی تھاکنگ بارڈ رپوسٹ سے آئے اور بھارتی سرزمین پر ساڑھے پانچ کلومیٹرتک اندرآگئے ۔ذرائع نے بتایاکہ بھارتی اہلکارجلد ہی حرکت میں آئے اور انڈوتبتان بارڈرپولیس کے اہلکاروں نے مزاحمت کی اورکئی گھنٹوں تک محاذآرائی جاری رہی جس کے بعد صورتحال سنبھل گئی۔