نئی دہلی(نیوز ڈیسک)بھارتی وزیراعظم نریند مودی نے اپوزیشن جماعت کانگریس کو شدید تنقید کا نشانہ بناتے ہوئے کہا ہے کہ حکومت نے پاکستان کے حوالے سے کوئی یو ٹرن نہیں لیا ،پاکستان کے بارے میں ہماری پالیسی پہلے والی ہی ہے،ایگزیکیوٹیو کو جوابدہ بنانے کے لئے مل کر کام کرنا ہوگا۔جمعرات کو بھارتی میڈیا کے مطابق وزیراعظم نریندر مودی نے لوک سبھا میں خطاب کرتے ہوئے ایوان کی کارروائی میں مسلسل خلل ڈالنے پر کانگریس کو آ ڑے ہاتھوں لیا اور کہا کہ ایوان بحث کی جگہ ہے لیکن بات بحث کی حد میں رکھی جائے تبھی کوئی نتیجہ نکلتا ہے۔