ماغادیشو(نیوز ڈیسک)صومالیہ کے دارالحکومت موغا دیشو میں کار بم دھماکے اور فائرنگ سے 9افراد ہلاک اور 30سے زائد زخمی ہو گئے۔صومالی پولیس کے مطابق شدت پسند تنظیم الشاب کے شدت پسندوں نے موغا دیشو کے مشہور پارک اور ہوٹل کو نشانہ بنایا۔ پارک کے گیٹ پر کار بم دھماکے کے بعد حملہ آور قریبی ہوٹل میں گھس گئے اور فائرنگ کردی۔ جس کے نتیجے میں 9 افراد ہلاک اور 30سے زائد زخمی ہو گئے۔ دھماکے سے کئی گاڑیاں تباہ ہوئیں اور ہوٹل کو بھی نقصان پہنچا۔پولیس کے مطابق جوابی کارروائی میں 3حملہ آور بھی مارے گئے۔

موضوعات:صومالیہ