کابل(نیوزڈیسک)دولت اسلامیہ کے جنگجوؤں نے اپنی تنظیم میں بھرتیاں بڑھانے کے لیے ایک نئے ریڈیو سٹیشن کا آغاز کیا ہے،ریڈیوسٹیشن کی آوازصوبہ ننگر ہار کے تمام شہروں میں سنی جاسکتی ہے اور شدت پسند تنظیم اپنی نشریات میں حکومت مخالف بیان جاری کرنے کے ساتھ ساتھ نوجوانوں کو بھرتی ہونے پر زور دے رہی ہے،غیرملکی خبررساں ادارے کے مطابق صوبہ ننگرہار میں مقامی کونسل کے ارکان نے جمعرات کو فرانسیسی خبررساں ادارے کو بتایاکل شدت پسند تنظیم دولت اسلامیہ کے جنگجوؤں نے تنظیم میں مزید بھرتیوں کو اپنی طرف مائل کرنے کی کوشش میں ملک کی مشرق میں ایک ریڈیو سٹیشن کا آغاز کیا ہے۔صوبہ ننگرہار میں مقامی کونسل کے ارکان کا کہنا تھادولت اسلامیہ ایک ایف ایم ریڈیو سٹیشن کے ذریعے اپنی نشریات جاری کر رہی ہے اور پورے علاقے میں سنائی دے رہی ہیں۔انھوں نے مزید کہا کہ شدت پسند تنظیم اپنی نشریات میں حکومت مخالف بیان جاری کرنے کے ساتھ ساتھ نوجوانوں کو بھرتی ہونے پر زور دے رہی ہے۔دولت اسلامیہ مشرقی افغانستان کے اْن علاقوں پر دوبارہ قبضہ کر کے زور پکڑ رہی ہے جو ایک وقت میں طالبان کے زیر قبضہ علاقے تھے۔دولت اسلامیہ کی ریڈیو نشریات شام میں دو گھنٹوں کے لیے صوبوں کنڑ اور ننگرہار کے متعددحصوں میں سنی جا سکتی ہے۔اپنی نشریات میں دولت اسلامیہ کے جنگجو مذہبی گیت گانے کے ساتھ ساتھ اپنے ایجنڈے کو بھی فروغ دے رہے ہیں۔