منیلا(نیوز ڈیسک)فلپائن میں طوفانی بارشوں اور سیلاب کے باعث کم از کم گیارہ افراد ہلاک جبکہ ہزاروں بجلی سے محروم ہوگئے ۔ غیر ملکی خبر رساں ادارے کے مطابق طوفانی بارشوں اور سیلاب کے باعث دارالحکومت منیلا سب سے زیادہ متاثر ہوا مختلف واقعات میں گیارہ افراد ہلاک جبکہ بڑی تعداد میں بے گھر ہوگئے ہیں ۔ حکام کا کہنا ہے کہ صوبہ میندورومیں بڑی تعداد میں رہائشی گھر تباہ ہوئے ہیں جبکہ ریسکیو عملہ متاثرہ علاقوں سے لوگوں کو محفوظ مقامات کی جانب منتقل کرنے میں مصروف ہیں ۔ بارش کے باعث مٹی کے تودے گرنے سے اہم شاہرائیں بھی بند ہیں جس کے نتیجے میں ٹریفک کا نظام بھی مفلوج ہے ۔ دارالحکومت کے مختلف علاقوں میں بجلی کی منقطع ہے ۔ جس کی وجہ سے نظام زندگی درہم برہم ہو کر رہ گیا ہے ۔