ممبئی(نیوز ڈیسک) بھارتی حکومت نے انڈر ورلڈ ڈان داﺅد ابراہیم کی زمین ، ریسٹورنٹ اور ایک کار سمیت تمام جائیداد نیلامی کیلئے پیش کردی گئی ہیں ۔ بھارتی میڈیا رپورٹس کے مطابق اس نیلامی کیلئے حکومت نے تین طرح کا عمل اختیار کیاہے جس کو لے کرپولیس انتظامیہ نے بھی کمر کس کرلی ہے۔بتایا گیا ہے کہ ممبئی کے علاقے ناگپاڑا میں داﺅد ابراہیم کا دہلی ذائقہ نامی ایک ہوٹل ہے جس کی مالیت کروڑوں روپے ہے ۔ سب سے پہلے اس ہوٹل کا نام رونق افروز تھا لیکن 1993 ءمیں ہوئے بم دھماکوں کے بعد اسے سیل کردیا گیا اور اسے نیا نام دہلی ذائقہ رکھ دیا گیا بدھ کو اس نیلامی کے سلسلے میں ممبئی ہوٹل کے باہر بولی لگی اور اس موقع پر سکیورٹی کے سخت انتظامات کیے گئے تھے ۔اس سے پہلے بھی داﺅد ابراہیم کے کچھ اثاثے نیلامی کیلئے پیش کیے گئے ہیں لیکن خریداران سے دورہی ہے ۔اب دیکھنا ہوگا کہ انڈر ورلڈ ڈان کی جائیداد اپنے نام کرنے کی اہمت کون کرتاہے ۔ یا د رہے کہ داﺅد ابراہیم 1980 ءکی دہائی میں ممبئی سے فرار ہو کر بیرون ملک روپوش ہوگئے ہیں ، بھارت متعدد بار یہ الزامات عائد کرتارہاہے کہ داﺅد ابراہیم پاکستان میں رہائش پذیر ہیں اورانہیں سیف ہاﺅس مین رکھا گیا ہے تاہم پاکستان ان الزامات کی سختی سے تردید کرتاہے ۔