دوبئی(نیوزڈیسک)اگر آ پ متحدہ عرب امارات میں ملازمت کے متلاشی ہیں تو اس کیلئے صحت کا شعبہ موجودہ وقت میں سب سے بہترین گردانا جاتاہے ۔متحدہ عرب امارات کے مونسٹر ایمپلائمنٹ انڈیکس کی حالیہ رپورٹ کے مطابق یہ مخصوص شعبے میں اس وقت بھی ملازمین کی اچھی خاصی تعداد درکار ہے ۔گزشتہ سال کی نسبت رواں سال اکتوبر میں 60فیصد زائد افراد نے رجسٹریشن کروائی ۔اس شعبے میں گزشتہ سال کی نسبت طبی ماہرین کی مانگ میںروزافزوں اضافہ ہورہاہے اور اس بحران سے نمٹنے کیلئے حکام حکمت عملی بھی مرتب کررہے ہیں ۔دوبئی ہیلتھ اتھارٹی کے مطابق دوبئی دنیا کا سب سے بڑا ہیلتھ کیئرفری زون ہے ۔اس کے علاوہ فنانس اور اکائونٹنگ کے شعبے میں بھی وسیع مواقع موجود ہیں۔ عالمی اور وہاں کی مقامی بینکوں جیسا کہ سٹینڈرڈ چارٹرڈ ، ایچ ایس بی سی مڈل ایسٹ اورفرسٹ گلف بینک کے علاوہ دیگر مالیاتی ادارے نے فنانس اوراکائونٹنگ میں ملازمتوں کے مواقع کا اعلان کیاہے ۔