لندن (نیوزڈیسک)برطانوی وزیر اعظم ڈیوڈ کیمرون نے اسلام مخالف امریکی صدارتی امید وار ڈونلڈ ٹرمپ کو سخت تنقید کا نشانہ بنا یا ہے ،ان کا کہنا ہے کہ ڈونلڈ ٹرمپ کی وجہ سے امریکہ میں تقسیم پیدا ہو گی ۔واضح رہے کہ امریکی صدارتی امید وار ڈونلڈ ٹرمپ نے مسلمانوں کے امریکہ میں داخلے پر پابندی لگانے کا مطالبہ کیا تھا ۔غیر ملکی میڈ یا رپورٹس کے مطابق ڈیوڈ کیمرون نے ڈونلڈ ٹرمپ کے مسلمانوں سے متعلق اس بیان پر انہیں سخت تنقید کا نشانہ بنا یا اور کہا کہ ڈونلڈ ٹرمپ کا مسلمانوں کے امریکہ میں داخلے پر پابندی کا مطالبہ سراسر غلط ہے ۔ان کا کہنا ہے کہ ایسے بیانات سے امریکی معاشرے میں تقسیم پیدا ہو گی ۔مسلمان امریکہ سمیت کسی بھی ملک کی معیشت میں اہم کردار ادا کر رہے ہیں۔ چند واقعات کو تمام مسلمانوں سے جوڑنا ٹھیک نہیں۔