جدہ(آن لائن )سعودی عرب کے مختلف شہروں میں موسم سرد ہوگیا ہے،موسم میں تبدیلی کے بعدجدہ،مکہ مکرمہ،اللیث ،ینبع سمیت دیگر شہروں میں گرد و غبار اور تیز ہواو¿ں سے سانس کی تکلیف،دمہ اورکھانسی کے مریضوں کو احتیاط برتنے کی اپیل کی گئی ہے۔میڈیا رپورٹس کے مطابق موسم میں تبدیلی کے بعد سعودی وزارت صحت کی جانب سے اسپتالوں کو ایمرجنسی کے لیے تیار رہنے کی بھی ہدایت کی گئی ہے۔دارالحکومت ریاض میں درجہ حرارت 6 ڈگری سینٹی گریڈ ،مدینہ منورہ میں درجہ حرارت 6،دمام 4،حا یل 3،طریف 2،القریات، طبرجل و سکا کا 1، تبوک صفر ، ریکارڈ کیا گیا۔دمام پورٹ پر جہازوں سے مال اترنے چڑھانے کے کام میں تعطل آگیا ہے، گھروں میں الیکٹرک ہیٹر جلنے لگے ہیں، گرم کپڑوں کی مارکیٹ میں فروخت عروج پر پہنچ گئی ہے۔ محکمہ شہری دفاع نے شہریوں سے سردی سے بچاو¿ کیلئے ہیٹر یا گیس ہیٹر جلانے میں احتیاطی تدابیر اختیار کرنے کی ہدایت کی گئی ہے۔