نئی دہلی(نیوزڈیسک)بھارت میں دوکم سن بچیوں سے زیادتی کا ڈراپ سین،مجرموں کے بارے جان کر پولیس حیران،نئی دہلی کی پولیس نے ڈھائی سالہ کم سن بچی کے ساتھ جنسی زیادتی کا ارتکاب کرنے کے شبے میں دونوجوان لڑکوں کو گرفتار کر کے پوچھ گچھ شروع کر دی ۔بھارتی میڈیاکے مطابق سینئرپولیس اہلکار دپیندر پاٹھک نے نیوز کانفرنس میں بتایا کہ گرفتار کیے گئے لڑکوں کی عمریں سترہ برس کے لگ بھگ ہیں۔ پولیس افسر پاٹھک نے یہ بھی کہا کہ بیس تفتیشی ٹیمیں بنا کر تقریباً 260 مشتبہ افراد سے تفتیشی عمل مکمل کرنے کے بعد دونوں ٹین ایجرز کو حراست میں لینے کا فیصلہ کیا گیا۔ پاٹھک نے کہاکہ ایک سی سی ٹی وی کیمرے کی فوٹیج نے بھی اِس واقعے میں دونوں لڑکوں کے ملوث ہونے کے شبے کو تقویت دی ہے۔ بھارت میں کم سن بچیوں کے ساتھ جنسی زیادتی کے واقعات نے ہلچل پیدا کر رکھی ہے۔