لاہور(نیوزڈیسک)’’بھارت میں اسلام سمیت تمام مذاہب کو آزادی کے ساتھ اپنی مذہبی رسومات ادا کرنے کی مکمل آزادی ہے۔‘‘ بھارتی وزیراعظم نریندر مودی نے گزشتہ روز ایک ریڈیو پروگرام میں یہ مضحکہ خیز بیان دیتے ہوئے کہا کہ بھارت تمام مذاہب کا احترام کرتا ہے اور مستقبل میں بھی اس پالیسی پر عملدرآمد کرتا رہے گا۔ واضح رہے کہ بھارت میں حال ہی میں کئی گرجا گھروں پر حملے کئے گئے جن میں عیسائیوں کی ایک بڑی تعداد زخمی ہوگئی تھی جبکہ ان حملوں کی بازگشت دنیا بھر میں سنی گئی تھی۔روزنامہ جنگ کے صحافی خالدمحمودخالدکی رپورٹ کے مطابق جبکہ بھارتی حکو مت گرجا گھروں کو تحفظ دینے میں بری طرح ناکام ہو چکی ہے۔مزید یہ کہ بھارت میں مسلمانوں پر اپنی مذہبی رسومات ادا کرنے پر بھی کئی پابندیاں عائد ہیں۔ انہیں دھمکیاں دی جارہی ہیں کہ وہ بھارت چھوڑ کر پاکستان چلے جائیں۔