لندن(نیوزڈیسک)برطانیہ میں ہونےو الے ایک تازہ ترین سروے میں یہ بات سامنے آئی ہے کہ برطانوی عوام کی اکثریت اب بھی یورپی یونین سے علیحدگی کے حق میں ہے اور اگر جلد کوئی ریفرنڈم ہوا تو برطانیہ یورپی یونین سے باہر آجائے گا۔برطانیہ میں ہونے والے آن لائن سروے کے نتائج میں انکشاف ہوا کہ برطانوی عوام کی اکثریت اپنے ملک کو یورپی یونین میں نہیں رکھنا چاہتی اور اس ضمن میں جلد ہی برطانیہ میں ایک ریفرنڈم بل پیش کیا جائے گا۔ برطانیہ میں عوامی رائے معلوم کرنے والے ایک ادارے اسٹارویشن کے مطابق51 فیصد برطانوی شہری یورپی یونین کو چھوڑنا چاہتے ہیں جبکہ49 فیصد اس اتحاد سے وابستگی کے خواہشمند ہیں جبکہ بعض افراد نے رائے شماری میں کوئی آپشن قبول نہیں کیا۔ یہ پول برطانوی عوام کی رائے میں واضح تبدیلی ظاہر کرتا ہے کیونکہ اس سے قبل عوام کی اکثریت یورپی یونین کے ساتھ رہنا چاہتی تھی۔ رائے شماری کرنے والے ادارے کے مطابق بڑے پیمانے پر تارکینِ وطن کی آمد رائے عامہ میں تبدیلی کی وجہ بنی ہے۔یورپی یونین سے جڑے رہنے کے حامی 49 فیصد میں سے 22 فیصد افراد ایسے بھی ہیں جنہوں نے کہا کہ اگر یورپ میں تارکین وطن اور پناہ گزینوں کو بحران مزید گہرا ہوا تو وہ بھی یونین سے علیحدگی کو ترجیح دینگے۔اس سے قبل برطانوی وزیرِ اعظم ڈیوڈ کیمرون نے وعدہ کیا تھا کہ وہ یورپی یونین میں رہنے یا علیحدگی کے معاملے پر2017 میں ایک ریفرنڈم کرائیں گے