تہران(نیوزڈیسک)ایران اور بھارت کا سب سے بڑا مشترکہ اقدام،پاکستان سمیت دنیا کی نظریں لگ گئیں،ایران اور بھارت کی خلیجی پانیوں میں وسیع پیمانے پر جنگی مشقیں آج (پیرسے)شروع ہوں گی ،ایرانی میڈیاکے مطابق جنگی مشقوں کے سلسلے میں بھارت کے دو بڑے بحری جہاز ایران کی بندر عباس بندرگاہ پر لنگر اندازہوچکے ہیں،بھارت کے بحری جنگی جہاز F39 اور F37 بندرعباس ہی میں لنگر انداز رہیں گے جس کے بعد جنگی مشقوں کے لیے انہیں خلیجی پانیوں کی طرف لے جایا جائے گا۔ایرانی نیول چیف ایڈ مرل حسین نے ایک بیان میں کہاکہ ایران اور بھارت کے تاریخی تعلقات سے یہ ثابت ہوتا ہے کہ دونوں ملک علاقائی سلامتی اور دوطرفہ اقتصادی ترقی میں ایک دوسرے کے دست و بازو ثابت ہوئے ہیں۔