برازیلیا(نیوز ڈیسک)برازیل کے معروف مصنف اور عالمی ایوارڈ یافتہ ،،پالوکوئلونے کہاہے کہ قرآن پاک دنیاکو تبدیل کرنے والی واحد کتاب ہے۔غیر ملکی میڈیاکے مطابق برازیلین مصنف پالو کوئیلو نے اپنے تازہ مضمون میں قرآن کا دفاع کرتے ہوئے کہاکہ اس کتاب میں تشدد کی ترغیب نہیں دی گئی۔لیکن کچھ لوگ قران کی تعلیمات کو اپنے مفاد کیلئے تبدیل کرتے ہیں۔پالو نے حال ہی میں قرآن کی تصویر سوشل میڈیا پر رکھی۔ اور اس کو ،،دنیا کو تبدیل کرنے والی واحد کتاب،،کا عنوان دیا۔چھتیس ہزارلوگوں نے پالو کی فیس بک کی پوسٹ کو لائق کیا اور تین ہزار افراد نے اس کوشیئرکیا۔حبا بی دقق کے نام سے ایک خاتون نے پالو سے سوال کیا کہ کیا واقعے سچ ہے کہ قرآن تشدداورقتل کا ذریعہ ہے۔پالو کوئیلو نے قران کادفاع کرتے ہوئے کہا،،نہیں یہ سچ نہیں ہے۔پالو نے کہاکہ وہ خود عیسائی مذہب کے ماننے والوں میں سے ہیں۔ صدیوں تک عیسائیوں نے اپنا مذہب مسلط کرنے کیلئے تلوار کا استعمال کیا۔خواتین چڑیل قرار دے کر قتل کیا اور سائنس کی ترقی کو روکنے کی کوشش کی۔پالوکاکہنا تھا،،مذہب کو قصور وار نہیں قرار دیاجاسکتا۔یہ ان لوگوں کا قصور ہے جو مذہب یا قران میں تبدیلی کرکے اپنے مفاد کیلئے پیش کرتے ہیں۔