سرینگرنئی دہلی (نیوز ڈیسک)مقبوضہ کشمیر کی حریت پسند تنظیم دختران ملت کی سربراہ آسیہ اندرابی کی جانب سے پاکستان کے یوم آزادی پر لاہور میں جماعت الدعوہ کے جلسے میں ٹیلے فونک خطاب کو بھارت میں شدید تنقید کا نشانہ بنایا جارہا ہے۔14اگست کو حافظ سعید کے زیر اہتمام ہونے والی تقریب میں خطاب کرتے ہوئے آسیہ اندرابی نے پاکستانی عوام کو آزادی کی مبارک باد دی تھی۔تقریب میں حافظ سعید بھی شریک اور اسٹیج پر بیٹھے تھے۔پاکستان کے یوم آزادی پر سری نگر بچ پورہ میں دختران ملت کی تقریب میں درجنوں خواتین نے شرکت کی۔بی جے پی جموںوکشمیر کے صدر جگل کشور نے آسیہ ا ندرابی کے ٹیلے فونک خطاب کو تنقید کا نشانہ بنایا اور دختران ملت نتظیم کے خلاف کارروائی کا مطالبہ کیا ہے۔جگل کشور نے ہرزہ سرائی کرتے ہوئے کہا ہے کہ آسیہ اندرابی کو گرفتار کیا جائے غداری کا مقدمہ چلایا جائے اور دختران ملت پر پابندی لگائی جائے۔