الخلیل (نیوزڈیسک)فلسطین کے مقبوضہ مغربی کنارے کے تاریخی شہر الخلیل میں انتہاءپسند یہودیوں نے فلسطینی آبادی میں گھس کر نہتے شہریوں کو وحشیانہ تشدد کا نشانہ بنایا اور ان کے گھروں میں توڑ پھوڑ کی۔ اطلاعات کے مطابق مقامی شہریوں نے بتایا کہ یہودی شرپسندوں کے ایک گروپ نے گزشتہ روز شام کے وقت الخلیل میں تل الرمیدہ کے مقام پر فلسطینیوں کے گھروں پر چڑھائی کردی جس کے نتیجے میں متعدد فلسطینی زخمی ہوگئے۔ یہودی آباد کاروں کی کارروائی کے وقت اسرائیلی فوج اور پولیس اہلکار کچھ ہی فاصلے پرکھڑے ان کا تماشا دیکھتے رہے۔یہودی آباد کاروں کی کارروائی کے جواب میں فلسطینی شہریوں نے ان پر پتھراﺅ کیا تاہم قابض فوج نے یہودیوں کو کچھ کہنے کے بجائے الٹا فلسطینیوں کو تشدد کانشانہ بنایا اور یوسف قفیشہ نامی ایک بچے کو حراست میں لینے کے بعد نامعلوم مقام پر منتقل کردیا گیا۔ جبکہ عالمی دنیانے اس بارے میں کوئی ردعمل نہیں دکھایاہے