اس مبارک خط کی ایک نقل ماؤنٹ ثنائی کی سینٹ کیتھرین خانقاہ میں محفوظ کی گئی۔ اقلیتوں کے خلاف برسرپیکار افراد اور گروہوں کو ضرور دیکھنا چاہیے کہ پیغمبر خدا ﷺ نے ان کے ساتھ کیسا برتاؤ کیا اور اپنی امت کو اس ضمن میں کیا حکم دیا۔ اس خط کا مفہوم درج ذیل ہے۔

ان میں سے کسی بھی اقدام کا مرتکب ہونے والا خدا کے معاہدے کو توڑے گا اور اس کے پیغمبر کی نافرمانی کرے گا۔ بے شک یہ میرے اتحادی ہیں اور میری نصرت رکھتے ہیں ان باتوں کے خلاف جو انہیں ناخوش کریں۔ انہیں سفر یا جنگ پر مجبور نہیں کیا جائے گا۔ ان کی جگہ مسلمان لڑیں گے۔ اگر کوئی مسلمان کسی عیسائی خاتون سے عقد کرنا چاہے تو یہ خاتون کی اجازت کے بغیر ناہوگا۔ اسے اپنی عبادت گاہ میں جاکر عبادت کرنے سے روکا نہیں جائے گا۔ ان کی عبادت گاہوں کا احترام کیا جائے گا۔ میرا کوئی بھی امتی روز قیامت تک اس معاہدے کی خلاف ورزی نہ کرے۔

پیغمبر آخر زماں ﷺ کے ان مبارک الفاظ سے یہ بات روز روشن کی طرح عیاں ہے کہ بنی نوع انسان کو امن کا پیغام دینا اور خصوصاً اقلیتوں کے حقوق کا تحفظ کرنا نہ صرف ہر مسلمان کا شعار ہے بلکہ یہ اس پر فرض کر دیا گیا ہے۔