لندن: (ویب ڈیسک) برطانوی شہزادہ ولیم نے ایئر ایمبولنس کے پائلٹ کی نئی ملازمت اختیار کر لی ہے۔ برطانوی میڈیا کے مطابق کنسنگٹن محل نے بتایا کہ شہزادہ ولیم نے بانڈ ایئر سروس کے لئے کام شروع کر دیا ہے۔ وہ اگلے چند ماہ تک سیمولیٹر اور ایئر کرافٹ فلائٹ پر مہارت کی تربیت حاصل کرنے کے بعد گرمیوں میں پائلٹ مشن شروع کر دیں گے۔ خیال رہے کہ 32 سالہ ولیم پرواز کے اصولوں سمیت 14 مضامین کے تحریری امتحان کے بعد مارچ میں ایئر ٹرانسپورٹ پائلٹ کے لائسنس کے لئے ٹیسٹ بھی پاس کر چکے ہیں۔ وہ ایمرجنسی میں ابتدائی طبی عملے کے ساتھ کام کریں گے۔ وہ شاہی ذمہ داریاں، برطانیہ اور بیرون ملک دوسری مصروفیات بھی جاری رکھیں گے۔ –