اسلام آباد(نیوز ڈیسک)چین نے یمن سے اپنے مزید 449 شہریوں کو نکال لیا ہے جبکہ بھارتی وزیر اعظم نے اپنے شہریوں کے انخلا کے لیے سعودی عرب سے مدد طلب کرلی ہے۔ 449 چینی باشندوں کو یمن کے شہر حدیدہ سے نکال لیا گیا ہے ، ان باشندوں کو لینے کے لیے چین نے اپنا خصوصی بحری جہاز روانہ کیا تھا ،اس سے قبل اتوار کے روز 122 چینی باشندوں کو عدن شہر سے بحفاظت نکالا گیا تھا ،چین واپس جانے والے افراد میں سفارتی عملہ، یمن میں کام کرنے والی چینی کمپنیوں کے ملازمین اور صحت کے شعبے سے وابستہ افراد شامل ہیں۔ا±دھر بھارتی وزیر اعظم نریندر مودی نے سعودی فرماں روا شاہ سلمان بن عبدالعزیز سے درخواست کی ہے کہ یمن میں موجود 4 ہزار سے زائد بھارتیوں کے انخلا میں مدد کی جائے۔بھارتی دفتر خارجہ کے مطابق اس سلسلے میں دونوں رہنماﺅں کے درمیان ٹیلی فون پر بات چیت ہوئی ہے، جس میں شاہ سلمان نے بھارت کو ہر قسم کے تعاون اور مدد کی یقین دہائی کرائی ہے۔