اسلام آباد(نیوز ڈیسک) نریندر مودی کے حکومت میں آنے کے بعد ہندو انتہا پسند اب تک مسلمانوں اور عیسائیوں کی متعدد عبادت گاہوں پر حملے کر چکے ہیں اور حال ہی میں انتہا پسند ہندوو¿ں نے ممبئی کے ایک اور گرجا گھر کو نشانہ بنایا ہے۔بھارتی میڈیا رپورٹس کے مطابق انتہا پسند ہندوو¿ں نے ریاست مہاراشٹرا میں نوی ممبئی کے علاقے پنول میں واقع سینٹ جارج کیتھولک چرچ پر حملہ کیا جس کے نتیجے میں سینٹ جارج کے مجسمے کو نقصان پہنچا۔ چرچ کی حدود میں لگے سی سی ٹی وی کیمرے کی مدد سے حاصل فوٹیج کے مطابق 3 حملہ آوروں کو پتھراو¿ کرتے ہوئے واضح طور پر دیکھا جا سکتا ہے۔ دوسری جانب پولیس حکام کا کہنا ہے کہ نامعلوم افراد کے خلاف مقدمہ درج کر کے واقعے کی تحقیقات کا آغاز کردیا گیا ہے۔واضح رہے کہ چند روز قبل بھی ہندو انتہا پسندوں نے بھارتی ریاست ہریانا کے ضلع حصار میں ایک زیر تعمیر چرچ پر حملہ کر کے اسے مسمار کردیا تھا۔