لندن (نیوز ڈیسک) لندن کی مشہور ترین جگہوں میں شمار ہونے والے ہائیڈ پارک میں ایک سعودی امیرزادہ دن دہاڑے نشے میںد ھت ہوکر سپر کار دوڑاتا پکڑا گیا ہے۔ مقامی میڈیا کے مطابق 22 سالہ محمد الشریف کو غیر ذمہ دارانہ ڈرائیونگ کرتے ہوئے اور پارک میں لڑکھڑاتے ہوئے پایا گیا ۔ وہ ایک مقامی یونیورسٹی میں بزنس سٹڈیز کا طالبعلم ہے اور اپنے باپ کی نایاب میکلارن کار کو نشہ کرکے چلارہا تھا۔

 محمد الشریف نے اعتراف کیا ہے کہ وہ رات گئے چرس اور دیگر منشیات سے لطف اندوز ہوتا رہا تھا اور اس کے بعد گاڑی لے کر نکل کھڑا ہوا تھا۔ اس کی میکلارن کار کی قیمت دوکروڑ روپے سے زائد بتائی گئی ہے جس کے انجن میں تبدیلیاں کروا کر اسے خصوصی طور پر غیر معمولی حد تک طاقتور بنایا گیا ہے۔ عرب امیر زادے کو 400 برطانوی پاﺅنڈ (تقریباً 61ہزار پاکستانی روپے) جرمانہ کیا گیا ہے جبکہ اس پر ایک سال تک ڈرائیونگ نہ کرنے کی پابندی بھی لگائی گئی۔