ارجنٹائن، (نیوز ڈیسک) ارجنٹائن میں دو ہیلی کاپٹر فضا میں ٹکرانے سے 10 افراد ہلاک ہو گئے ہیں۔ مقامی حکام کے مطابق گزشتہ روز پیش آنے والے اس حادثے میں ہلاک ہونے والوں میں ایک فرانسیسی ریئیلٹی شو کے ارکان بھی شامل ہیں۔ فرانسیسی صدارتی دفتر کے جاری کردہ ایک بیان کے مطابق ہلاک شدگان میں معروف خاتون کشتی ران فلورنس آرتھو، اولمپک خاتون پیراک کامی موفا اور باکسر الیکسی واسٹین بھی شامل ہیں۔ یہ حادثہ لا رِیوخا کے پہاڑی علاقے میں ہوا جو اپنے خوبصورت مناظر کی وجہ سے سیاحوں میں بہت مقبول ہے۔ یہ مقام دارالحکومت بیونس آئرس سے 1100 کلومیٹر شمال میں واقع ہے۔