اسلام آباد (مانیٹرنگ ڈیسک/این این آئی)دو بینک اکائونٹس میں کروڑ وں روپے کی رقم اور کئی عمارتوں کی مالک بھکارن گرفتار ۔ تفصیلات کے مطابق مصری حکام نے ایک بھکاری عورت کو گرفتار کیا ہے جو معذور ہونے کا ڈھونگ کر کے لوگوں سے پیسے جمع کرتی تھی

تفتیش کرنے پر اس عورت کے دو بینک اکائونٹس سامنے آئے جن میں کروڑوں روپے ہیں اور اس کے علاوہ پراپرٹی میں پانچ عمارتوں کی مالک ہے ۔ 57سالہ بھکاری عورت کا نام نفیسیہ ہے جبکہ اس کے بینکوں میں پڑے 30لاکھ مصری پائونڈ جو پاکستانی رقم کے مطابق دو کروڑ 80لاکھ روپے بنتے ہیں ۔ دوسری جانب اِدھر فیصل آباد کی تحصیل جڑانوالہ چک نمبر 103گ ب کا بھکاری مظفر حسین 3کروڑ کا مالک نکلا۔ مظفر حسین نے ایڈیشنل سیشن جج کی عدالت میں رٹ پٹیشن دائر کرتے ہوئے مؤقف اختیار کیا۔خریدے ہوئے پلاٹ کی رقم دینے جا رہا تھا کہ پولیس نے 7لاکھ چھین کر آپس میں بانٹ لئے۔یہ بھکاری ہے اس کے پاس سات لاکھ کہاں سے آئے، بھکاری نے عدالت میں 3 کروڑ روپے کے اکاؤنٹ نجی بنک میں شو کروا کر سب کو حیران کردیا۔25 سال سے بھیک مانگ کر رقم بنک میں جمع کرواتا ہوں،عدالت نے بھکاری کے 7لاکھ ہڑپ کرنے پر تھانہ سٹی جڑانوالہ کے تھانیدار سمیت دیگر ملازمین کے خلاف مقدمہ درج کرنے کا حکم دے دیا ۔