ابوظبی(این این آئی)ابوظبی کی عدالت نے ایک خاتون کو اپنی سہیلی سے بدزبانی کرنے اور دفتر میں سب کے سامنے توہین کرنے پر ایک لاکھ درھم ہرجانہ ادا کرنے کا حکم دے دیا۔عدالتی حکم میں کہا گیا ہے کہ قانون کے مطابق فیصلہ حتمی ہوگا اس پر کسی قسم کی
اپیل دائرنہیں کی جاسکے گی۔متحدہ عرب امارات کے میڈیا کے مطابق ابوظبی کی فوجداری عدالت میں ایک خاتون نے اپنی رفیقہ کار کے خلاف مقدمہ دائر کیا، جس میں کہا گیا تھا کہ بلا کسی وجہ اور سبب کے دفترکی ساتھی خاتون نے سب سے سامنے اسکی توہین کی اور اسے سخت و نازیبا الفاظ کہے۔ جس پر عدالت نے کیس کی سماعت کے دوران تمام شواہد اور گواہیاں بھی سنیں۔ جس پر عدالت نے مذکورہ بالا فیصلہ سنایا۔پاکستان روپوں کے مطابق یہ رقم تقریباً 43لاکھ 38ہزار روپے بنتی ہے ۔
