مراکش(آن لائن) مراکش میں ایک ہی وقت میں دو مردوں سے نکاح کرنیوالی خاتون پکڑی گئی۔ مراکشی عدالت نے خاتون کو پہلی شادی کے باوجود دوسرے شخص سے نکاح کرنے پر 2 برس قید اور 10 ہزار ڈالر جرمانے کی سزا سنا دی۔ غیر ملکی خبر رساں ادارے کے مطابق 30 سالہ مراکشی خاتون کا تعلق مکناس شہر کے البساتین سے ہے۔ خاتون کا پہلا شوہر کمپنی کا مالک تھا

جبکہ دوسرا شوہر فوج میں ملازمت کرتا ہے اور دونوں مختلف علاقوں میں رہتے ہیں پکڑی گئی خاتون کا پہلا شوہر گرفتار ہو کر جیل گیا تو خاتون نے طلاق کا دعویٰ عدالت میں دائر کر دیا اور فوجی افسر سے شادی کرلی۔ اس دوران اس نے دوسری شادی کرنے کیلئے جعلی سرکاری سرٹیفکیٹ حاصل کیا جس میں لکھا تھا کہ انہوں نے کبھی شادی نہیں کی۔جیل سے رہائی ملنے کے بعد پہلے شوہر کو بیوی کی شادی اور اس کے دوسرے شوہر سے بچوں کا علم ہوا۔ خاتون نے عدالتی فیصلے کو جو شروع میں پرائمری کورٹس سے جاری ہوا تھا اعلٰی عدالت میں چیلنج کیا تاہم وفاقی عدالت نے خاتون کی جانب سے اٹھائے جانے والے اعتراضات کو مسترد کرتے ہوئے واضح کیا کہ سماجی آداب اور مذہب کے منافی سرگرمیوں پر امارات میں پابندی ہے۔ جو شخص غلط کام کا مرتکب ہوگا یا اس پر آمادہ کرے گا یا اس کا پروپیگنڈہ کرے گا تو اسے قید کی سزا ہو گی۔پبلک پراسیکیوشن نے خاتون پر سرکاری دستاویز میں جعلسازی، شوہر سے بدعہدی اور دھوکہ دہی کی فرد جرم عائد کی تھی۔