اتوار‬‮ ، 27 اپریل‬‮ 2025 

چین میں 2100-1600قبل مسیح کے دارالخلافہ کے کھنڈرات پر کیا تعمیر کرنے جارہا ہے ؟

datetime 18  فروری‬‮  2017
ہمارا واٹس ایپ چینل جوائن کریں

جنگ جو یو (آئی این پی ) چین کے قدیم ترین دور سلاطین شیا دور حکمرانی (2100-1600قبل از مسیح ) کے دارالحکومت کے کھنڈرات پر عجائب گھر اور پارک تعمیر کیا جائے گا ۔یہ بات مقامی ثقافتی ورثہ حکام نے جمعرات کو بتائی ہے ، منصوبے کی تعمیر لو ئو یانگ کے شہر کے موضع ارلی ٹوئو کے قریب سال کے پہلے نصف میں شروع کی جائے گی۔ شہرکے ثقافتی ورثہ بیورو کے سربراہ ہوائی یو جائی کے مطابق لوئو یانگ میں 1959ء کے بعد سے 40ہزار مربع میٹر سے زائد کھنڈرات کی کھدائی کی گئی ہے ،

 

صوبائی حکومت کی طرف سے منظور کئے جانیوالے ایک منصوبے کا حوالہ دیتے ہوئے وائی یو نے کہا کہ عجائب گھر میں جو کہ 30ہزار مربع میٹر کے رقبے پر محیط ہو گا جس میں 40ہزار کے قریب اشیاء نمائش کیلئے رکھی جائیں گی ، ان میں کھدائی کے دوران دریافت ہونیوالی نوادرات قدیم دور سلاطین جن میں شیا اور شانگ (1600-1046قبل از مسیح ) شامل ہیں سے متعلق ٹیکسٹ اور گرافک دستاویزات شامل ہونگی ، اس جگہ سے دریافت کیا جانیوالا انتہائی مقبول ٹکڑا 70سینٹی میٹر لمبا فیروزے والا اژدھا ہے جو کہ فیروزوں کے 2000ء سے زائد ٹکڑوں سے بنایا گیا ہے، چینی ماہرین آثار قدیمہ نے اس شاہکار کا نام ’’چین کا اژدھا‘‘ قراردیا ہے اور کہا ہے کہ یہ اژدھائوں کے ساتھ چینیوں کی شیفتگی کا قدیم ترین ثبوت ہے ، 613ایم یو (41ہیکٹر ) پر ایک ثقافتی کھنڈرات پارک بھی تعمیر کیا جائے گا جہاں قدیم شہر کی دیواروں کے مقامات ، محل ، سڑکوں کے علاوہ کانسی سے ڈھالے ہوئے اور زمرد کے دستکاری کے نمونوں کی نمائش اور تحفظ کیا جائے گا ، اس کے علاوہ کھنڈرات کی قربانی والے مقام کی بھی نمائش اور تحفظ کیا جائے گا ۔یو نے کہا کہ اس پارک میں دریافتوں کی بنیاد پر قائم و رکشاپوں کی تعمیر اور قدرتی مناظر کے ذریعے 3ہزار سال سے زائد مناظر کی بھی منظر کی کشی کی جائے گی تا ہم انہوں نے منصوبے کی لاگت کا انکشاف نہیں کیا ۔

موضوعات:

آج کی سب سے زیادہ پڑھی جانے والی خبریں


کالم



قوم کو وژن چاہیے


بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…