اسلام آباد(مانیٹرنگ ڈیسک)کاغذ ایک ایسی چیز ہے جس کی ضرورت ہمیں پڑھتی ہے اور اس کے استعمال میں وقت کیساتھ ساتھ اضافہ یا کمی آتی رہتی ہے ۔خاص طور پر بچوں کو جب وہ تعلیمی میدان میں ہوتے ہیں ہماری زندگی میں کاپیاں ،کتابوں اور دوسری بہت سے ضرورتوں میں کاغذ کا بہت استعمال ہوتاہے اور کاغذ لکڑی سے بنتا ہے اور جتنا اس کا استعمال ہوگا جنگلات سے لکڑی کیکٹائی میں اتنا ہی اضافہ ہوگا اور جنگلات کے خاتمیکا سبب بنے گا۔جس کے باعث ماحولیاتی تبدیلیوں میں کثرت سے اضافے کے باعث ہمارے دنیا میں

خطرناک حالات پیدا ہو رہے ہیں جو نئے مسائل میں اضافہ کر کے ہماری زندگیاں مزید مشکل بنا رہے ہیں ،ان سب مسائل کو مدنظر رکھتے ہوئے امریکی انجینئرز نے ایک ایسا کاغذ تیار کر لیا ہے جسے 80بار استعمال کیا جاسکتا ہے۔اس کاغذ پر لکھنے کیلئے الٹراوائلٹ روشنی اورمٹانے کیلئے حرارت استعمال کی جاتی ہے اور اس پر بار بار لکھا جا سکتا ہے۔اس کاغذ میں سالڈ اسٹیٹ فوٹو ریوسیبل کلر سونچنگ سسٹم استعمال کیا گیا ہے جو دیکھنے اور چھونے پر عام کاغذ کی طرح دکھائی دیتا ہے۔اسے کسی بھی سیاہی کے بغیر بار بار صاف کر کے لکھا جا سکتا ہے۔اس کاغذ کی ایجاد سے درخت کاٹنے کے عمل میں بہت کمی واقع ہو گئی اور عام کاغذکے ریسائیکل سے آلودگی میں کم ہو جائیگی۔اس جادوئی کاغذ پر دو اقسام کی پرت ڈالی گئی ہے ایک نیلا جو اس وقت تک نظر نہیں آتا جب تک اس پر الیکٹران نہ ڈالے جائیں ۔دوسری پرت ٹیٹا نےئم آکسائیڈ کی ہے کو الٹراوائلٹ روشنی پڑھنے پرکیمیائی عمل کو تیز کر دیتا ہے اور جب ان دونوں پرتوں کو ملا کر کاغذ پر لکھا جاتا ہے تو کاغذ نیلا ہو جاتا ہے ۔